ဒီလောက်အသေးစိတ် ဒီဇိုင်းလုပ်ထားတဲ့ ကမ္ဘာကြီးကို ဖန်ဆင်းသူမရှိဘူးလို့မိတ်ဆွေယုံကြည်ပါသလား? Design Argument #1

 

အာဖရိကက အက်ဒါမြွေပွေးတွေနဲ့ ပတ်သတ်ပြီး သိပ္ပံပညာရှင်တွေ အံ့အားသင့်ရတာတစ်ခုက သူတို့ဟာမြက်ပင်တွေ၊ ခြုံတွေကြားထဲမှာ ကိုယ်ယောင်ဖျောက်ပြီး မလှုပ်မရှားပဲ ရက်သတ္တပတ် ၂ပတ်လောက်ဒီတိုင်းငြိမ်ပြီး စိတ်ရှည်ရှည် သားကောင်စောင့်နေတတ်တာပါပဲ။

ဒါပေမဲ့ သူတို့ကိုစားမဲ့ရန်သူတွေရှိတာပဲလေ။ ဒီတိုင်းကြီးမလှုပ်မရှားနေနေတာဟာ ရန်သူတွေနဲ့ရင်ဆိုင်ကြုံဆုံရဖို့ အခွင့်အလမ်းပိုများနေမှာပေါ့။ကိုယ်ယောင်ဘယ်လောက်ဖျောက်ထားထား မြွေပါလို

ရန်သူမျိုးတွေက အနံ့ခံသိပ်ကောင်းတာလေ။ သူတို့ ဒုက္ခရောက်မှာပေါ့။

ဒါပေမဲ့တောင်အာဖရိကရဲ့ University of the Witwatersrand မှာ

သုတေသနပညာရှင်တွေ အံ့အားသင့်ခဲ့ရတာက ၊ ဒီမြွေပွေးတွေဟာ သူတို့ရဲ့ကိုယ်နံ့ကိုပါ လုံးဝ ဖျောက်နိုင်စွမ်းရှိနေတာပါပဲ။

လေ့ကျင့်သင်ကြားပေးထားတဲ့ ခွေးတွေ နဲ့မြွေပါတွေဟာ ဒီအက်ဒါမြွေပွေးတွေကို ဘယ်လိုမှ အနံ့မခံနိုင်ကြပါဘူး။ ဘယ်လောက်တောင်ဆိုးလဲဆို မွေပွေးရဲ့ကိုယ်ပေါ်ကိုခပ်တည်တည်ပဲ တက်နင်းပြီးထွက်သွားတာ သံသယနဲ့ပြန်တောင်လှည့်မကြည့်ကြဘူး ။

မြေနေကျောရိုးရှိသတ္တဝါတွေထဲမှာ ပထမဆုံးတွေ့ရှိရတဲ့ ထူးခြားတဲ့ ဓာတုဗေဒစွမ်းရည်တစ်ခုပါပဲ။

(African puff adder uses chemical camouflage to hide scent , By Brooks Hays , United Press International Science News )

ဒီလောက်အသေးစိတ် ဒီဇိုင်းလုပ်ထားတဲ့ ကမ္ဘာကြီးကို ဖန်ဆင်းသူမရှိဘူးလို့မိတ်ဆွေယုံကြည်ပါသလား?

ဒီကမ္ဘာကြီးပေါ်မှာ ရှိသမျှသက်ရှိတွေက ရည်ရွယ်ချက်မဲ့၊ ဖန်ဆင်းသူမဲ့ အလိုအလျောက်ဖြစ်လာတယ်လို့မိတ်ဆွေယုံကြည်ပါသလား? စဉ်းစားကြည့်ပါ။

ငါအရှင်မြတ်သည် သူတို့အား မိုးကုပ်စက်ဝိုင်းများတွင်သာမက သူတို့၏ ခန္ဓာကိုယ်များထဲတွင်လည်း ဖန်ဆင်းရှင်ဘုရားသခင်၏ သက်သေလက္ခဏာများကို ပြသတော်မူမည်ဖြစ်သည်။ နောက်ဆုံးတွင် သူတို့အတွက် အမှန်စင်စစ် ကုရ်အာန်ကျမ်းတော်မြတ်သည် မှန်ကန်ကြောင်း သိသာထင်ရှားလာလိမ့်မည်။ (ကုရ်အာန် ၄၁:၅၃)

ကိုအေးထွန်းနှင့် KnownIslam အဖွဲ့သားများ ပူးပေါင်းတင်ဆက်သည်။

မြန်မာ့သမိုင်းတွင် အလွန်ကျော်ကြားသော မွတ်စလင်မ် ပန်းချီဆရာ၊ ကာတွန်းဆရာ၊ စာရေးဆရာကံချွန်

 

မြန်မာ့သမိုင်းတွင် အလွန်ကျော်ကြားသော မွတ်စလင်မ် ပန်းချီဆရာ၊ ကာတွန်းဆရာ၊ စာရေးဆရာကံချွန်

၁၉၉၀ နှစ်များနှင့် ၂၀၀၀ နှစ်များတွင် လူငယ်များအလွန်ကြိုက်သော စာရေးဆရာကံချွန်၏ ကာတွန်းများကိုသင်ဖတ်ဖူးပါသလား ? ဆရာကံချွန်၏စာတစ်ချို့ ဒီရက်ပိုင်းပြန်ဖတ်ဖြစ်သဖြင့် သူ့အကြောင်း ဒီခေတ်ကလေးတွေသိအောင် ပြန်တင်ပေးလိုက်ပါတယ်။

ကိုယ်ရေးအကျဉ်း

-----------------

ကာတွန်း ကံချွန် မှာ ၁၉၄၆ ခုနှစ် ဧပြီ (၄)ရက်နေ့၊ မန္တလေးမြို့တွင် အဘ ဦးဘဌေးနှင့် အမိဒေါ်အေးရွှင် တို့မှ မွေးဖွားခဲ့သည်။ မွေးချင်းညီအစ်ကို သုံးဦးရှိပြီး ကာတွန်း ဗိုလ်မောင်၊ ဓာတ်ပုံ လှဝင်းတို့ဖြစ်သည်။ ကာတွန်းကံချွန်တို့ ညီအစ်ကိုများသည် အစ္စလာမ် ဘာသာကို ကိုးကွယ်ကြသူများ ဖြစ်သည်။

မန္တလေးမြို့ အမှတ်(၃)အ.ထ.ကတွင် အထက်တန်းထိ ပညာသင်ကြားခဲ့သည်။ ကာတွန်း ကံချွန်သည် ၁၉၆၃-၁၉၆၄-ခုနှစ်တွင် မန္တလေးအနုပညာကျောင်း၌ ပန်းချီသင်တန်းတက်ရောက်ခဲ့ပြီး ဆရာကြီး ဦးကံညွန့်၊ ဦးချစ်မြဲ၊ ဦးအေးကျော်တို့ထံတွင် သင်ယူခဲ့သည်။ “မိ၊ မော်၊ မေ၊ မ” ကာတွန်းများရေးဆွဲခဲ့သူ ကာတွန်းဝင်းမောင်သည် ကာတွန်းကံချွန်၏ ဆရာရင်းဖြစ်သည်။

သူ၏ ပထမဆုံး ကာတွန်းမှာ ၁၉၆၉-ခု၊ အောက်တိုဘာလ ဟံသာဝတီ သတင်းစာတွင် ဖော်ပြခံခဲ့ရပြီး၊ ကြေးမုံ၊ ဗိုလ်တထောင်၊ လုပ်သား သတင်းစာများနှင့် ရှုထောင့် ဂျာနယ်၊ သတင်းဂျာနယ် တို့တွင် ကာတွန်းများ ရေးသားခဲ့သည်။ အလားတူ မိုးဝေ၊ ချယ်ရီ၊ ကလျာ၊ မဟေသီ စသည့်မဂ္ဂဇင်းများနှင့် မန္တလေးထုတ် ဂျာနယ်အများစုတွင်လည်း ကွယ်လွန်ချိန်အထိ ကာတွန်းများ ရေးသားနေဆဲဖြစ်သည်။

ပထမဆုံးဝင်ပြိုင်တဲ့ ရှုထောင့်ဂျာနယ်ကာတွန်း ပထမဆုရခဲ့သည်။ ပထမဆုံး ဝင်ပြိုင်တဲ့ ဦးဘဂျမ်းကာတွန်းဆု ပထမရခဲ့သည်။

သူရေးသားထုတ်ဝေခဲ့ပြီးသော စာအုပ်ပေါင်း ၇၃ အုပ်ရှိပြီဖြစ်ပြီး နာမည်ကျော် စာအုပ်များထဲတွင် ခေတ်ကျောင်းသား၊ ကြားဖူးနားဝ ပုံပြင်များ၊ မန္တလေးမြို့က လူတွေအကြောင်း၊ အပျိုစင်တို့ သိသင့်သမျှ (၁) (၂) ၊ အမျိုးသားတို့ သိဖို့ မိန်းမတို့ အကြောင်း၊ စီးပွားရေး ဟာသ စသည့် စာအုပ်များမှာ လူသိများသည်။ သူ၏ ဇာတ်ကောင်များ ဖြစ်ကြသော ဘ၊ ဘွားစွာ၊ ကိုပါရာနှင့် ကျော်မင်းဟန်တို့ကိုလည်း လူသိများသည်။ ကာတွန်း ကံချွန်သည် ကာတွန်း၊ သရုပ်ဖော်ပုံ၊ ပန်းချီ တို့ ရေးဆွဲခြင်း အပြင် ဝတ္တု၊ ဆောင်းပါး၊ သရော်စာ တို့ကို ရေးသားခဲ့ပြီး ဒါရိုက်တာလည်း လုပ်ခဲ့ဖူးသည်။ မန္တလေးမြို့ဝန်းကျင်တွင် ဗွီဒီယို (၃) ကားခန့် ရိုက်ကူးခဲ့ပြီး နောက်ဆုံးရိုက်ကူးခဲ့သော လေဘာတီမမြရင် နှစ် (၁၀၀) ပြည့် အငြိမ့်ဗွီစီဒီအခွေမှာ ပရိသတ်အကြား အပျံ့အနှံ့ဆုံးဖြစ်သည်။

ဘ၊ ဖွားစွာ၊ ကိုပါရာ၊ ကျော်မင်းဟန် အမည်ရှိ ကာတွန်းဇာတ်ကောင်များ ပါဝင်သော ကာတွန်းဇာတ်လမ်းများကို ပုံပမာ၊ ရုပ်စုံကမ္ဘာ၊ တွတ်ပီကမ္ဘာ အစရှိသည့် ကာတွန်းရုပ်စုံများတွင် ရေးဆွဲခဲ့သည်။ ယင်းအပြင် အဆိုပါ ကာတွန်းဇာတ်ကောင်များ ပါဝင်သော လုံချင်းကာတွန်းစာအုပ်များလည်း ထုတ်ဝေခဲ့သေးသည်

ကံချွန်ကပြောသော ကံချွန်ဆိုသည်မှာ

-------------------------------------

ကံချွန်ဆိုတာ မြန်မာပြည်က ပန်းချီဆရာ၊ ကာတွန်းဆရာ၊ စာရေးဆရာပါ။ မန္တလေးမြို့မှာ မွေး၊ မန္တလေးမြို့မှာ ကြီး၊ မန္တလေးမြို့မှာပဲ နေပါတယ်။ လေဘာတီ မမြရင် နှစ် ၁၀၀ ပြည့် အမှတ်တရ၊ မန္တလေးအငြိမ့် အလွမ်းပြေ VCD ရိုက်ကူးခဲ့တယ်။ ဝတ္ထုတို၊ ဝတ္ထုရှည်၊ ဆောင်းပါး၊ သရော်စာ၊ ဟာသတိုများနဲ့ လူငယ် ပညာပေး အတွေးအခေါ်ဆိုင်ရာ စာပေမျိုးစုံကို ရေးသားပြုစုခဲ့ပါတယ်။ သတင်းစာ၊ ဂျာနယ်၊ မဂ္ဂဇင်းများမှာ ကာတွန်း ရေးခဲ့တယ်။ ကာတွန်း ဇာတ်လမ်းရှည်တွေလည်း ရေးခဲ့တယ်။ ဂျာနယ်တွေမှာ ကွက်ဆက် ကာတွန်းနဲ့ တကွက်ချင်း ကာတွန်းတွေ ရေးခဲ့တယ်။ ပန်းချီကားများစွာ ရေးခဲ့သလို ကိုယ်ပိုင်ပန်းချီပြခန်းကို ၁၉၉၆ ခုမှာ ထူထောင်ခဲ့တယ်။ အနုပညာအလုပ်တွေ အများကြီးကို တပြိုင်တည်း လုပ်နေတာဟာ ဆရာကံချွန်ပါပဲ။

(ရေးသူ-ကံချွန်)

အိမ်နီးနားချင်းကို ကောင်းမွန်စွာဆက်ဆံရန် အရေးကြီးသည်

 

တမန်တော်မိုဟာမဒ်(ဆွ) က ကျွန်တော်တို မွတ်စလင်မ်တွေကို အိမ်နီးနားချင်းကို ဘယ်လိုဆက်ဆံရမလဲဆိုတာနဲ့ ပက်သက်ပြီး အသေးစိတ်သင်ကြားပေးပါတယ်။

မိမိ အိမ်နီးနားချင်းသည် မိမိကြောင့်လုံခြုံစိတ်ချရမည်။
==============================
အဘူဟုရိုင်ရာဟ်(ရသွေ့)ကပြောပြခဲ့သည်။ တမန်တော်မြတ်(ဆွ)က မိန့်ကြားသည်မှာ “ မိမိအိမ်နီးချင်းသည် မိမိလုပ်ရပ်ကြောင့် လုံခြုံမှုမခံစားရပါက (အေးချမ်းစွာမနေရပါက) ထိုသူသည် စစ်မှန်သော ယုံကြည်သူ မွတ်စလင်မ် မဟုတ်ပေ။” (တမန်တော်မိုဟာမဒ်(ဆွ)၏ဩဝါဒ - ဗုခါရီကျမ်း၊ မွတ်စလင်မ်ကျမ်း)
နောက်ဟဒိးဆ်တော်တစ်ပုဒ်တွင် တမန်တော်မိုဟာမဒ်(ဆွ)က “ ဘယ်သူမဆို အလ္လာဟ်အရှင်မြတ်နှင့် နောက်ဆုံးနေ့ကို ယုံကြည်တယ်ဆိုရင် မိမိရဲ့ အိမ်နီးချင်းကို ဒုက္ခမပေးရဘူး။ ” (ဗုခါရီကျမ်း - ဟဒိးဆ် အမှတ် ၆၀၁၈)
အခြားဆင့်ပြန်ချက်တစ်ခုတွင့် တမန်တော်မိုဟာမဒ်(ဆွ)က “ ကောင်းကင်တမန်ဂျိဗ်ရီလ် (အ) က ငါ့ကို အိမ်နီးချင်းနဲ့ပက်သက်ပြီး ကောင်းမွန်စွာဆက်ဆံဖို အမြဲတမ်းမှားကြားလေ့ရှိတယ်။ ဘယ်လောက်တောင်လဲဆိုရင် အိမ်နီးချင်းကို အမွေစားအမွေခံအဖြစ် သတ်မှတ်လိုက်ရမလားတောင် ငါကိုယ်တော် ထင်မိခဲ့တယ် ” (ဗုခါရီကျမ်း - ဟဒိးဆ် အမှတ် ၆၀၁၄)

အိမ်နီးချင်းအား အစားအသောက်မျှဝေရခြင်း
==========================
အဗ်နေအဘ္ဘာစ်း(ရသွေ့)ကဆင့်ပြန်ခဲ့သည်၊ တမန်တော်မိုဟာမဒ်(ဆွ)ကမိန့်တော်မူခဲ့သည် “သင့်ဗိုက်တော့ ပြည့်နေပြီး သင့်အိမ်နီးချင်းက ဆာလောင်မွတ်သိပ်နေပါက သင်သည် စစ်မှန်သောယုံကြည်သူ (မိုအ့်မင်န်) တစ်ယောက်မဟုတ်ပေ” (

အထက်ပါ တမန်တော်မိုဟာမဒ်(ဆွ) ၏ ဩဝါဒ(ဟဒိးဆ်)‌တော်များအရ သိရသည်မှာ မိမိ အိမ်နီးနားချင်းကို ကောင်းမွန်စွာဆက်ဆံရန် ယုံကြည်သူမွတ်စလင်မ်တစ်ယောက်အတွက်အလွန်အရေးကြီးကြောင်း မှတ်သားသိရှိရပါသည်။ အိမ်နီးနားချင်း စိတ်အနှောင့်အယှက်ဖြစ်အောင်၊ ဒုက္ခရောက်အောင် ဘယ်သောအခါမျှမလုပ်သင့်ကြောင်း မှတ်သားရပါသည်။ မိမိအိမ်နီးနားချင်းသည် ဘယ်လူမျိုး၊ ဘယ်ဘာသာဝင်မဆို မိမိက အထက်ပါ အဆုံးအမများအတိုင်း ကောင်းမွန်စွာဆက်ဆံရန်အရေးကြီး ပါသည်။

မတည်မြဲသောအရာတွေအပေါ်မှာ အားထားမှုမပြုပါနှင့်။

 

လူသားကိုဖန်ဆင်းပြုစုပျိုးထောင်ပေးခဲ့တဲ့ ဘုရားသခင်ဖန်ဆင်းရှင်ကိုသာအားထားပါ။ မတည်မြဲသောအရာတွေအပေါ်မှာ အားထားမှုမပြုပါနှင့်။

နူးညံ့သိမ်မွေ့မှုနှင့်အစ္စလာမ်

 

မိမိကိုယ်ကို အရင်ပြုပြင်ပါ

 

ကုရ်အာန် ၆၇:၂။ အလ္လာဟ်အရှင်မြတ်သည် အသင်တို့အနက် မည်သူသည် အကျင့်အမူအားဖြင့် အကောင်းဆုံးဖြစ်သည်ကို စမ်းသပ်ရန်အလို့ငှါ သေခြင်းကိုလည်းကောင်း ရှင်သန်ခြင်းလည်းကောင်း ဖန်ဆင်းခဲ့သည်။
-
ကုရ်အာန် ၂၄:၃၀။ ဧကန်မလွဲ အလ္လာဟ်အရှင်မြတ်သည် ၎င်းတို့ပြုလုပ်သမျှတို့ကို ကောင်းစွာသိရှိတော်မူသောအရှင်မြတ်ပင်ဖြစ်ပေသတည်း။
-
The Prophet said: He does not belong to us who does not show mercy to our young ones and respect to our old ones, who does not recommend what is reputable and prohibit what is disreputable (Tirmidhi).
-
Yahya's version says: Allah will record on his behalf a good deed for it, and will blot out a sin for it (Sunan Abu Dawud).
-
အထက်ပါကုရ်အာန်နှင့် ဟဒီးစ်တော်များအရ လူဆိုတာအကျင့်အမူအကောင်းဆုံးဖြစ်အောင်ကျိုးစားရမယ်။ တစ်ဦးနဲ့တစ်ဦးအပေါ် သနားညှာတာမှု၊ လေးစားမှုတွေထားရှိကြရပါမယ်။ ငယ်တဲ့သူတွေကို သနားခြင်း၊ လူကြီးတွေကိုလေးစားတတ်ခြင်းတို့က အစ္စလာမ်သာသနာတော်က မွတ်စလင်မ်များကို ကောင်းသောအကျင့်များ သွန်သင်ဆုံးမပေးထားတာဖြစ်ပါတယ်။ မိမိတို့ကိုအုပ်ထိန်းတဲ့ မိဘ၊ ဆရာများကလည်း လူလူချင်းမေတ္တာထားတတ်ရန်၊ လေးစားတတ်ရန်၊ ရိုင်းပင်းကူညီတတ်ရန် ကလေး လူငယ်များကိုသွန်သင်ပေးခဲ့ကြပါတယ်။
-
ဘာသာတရားနှင့်လူကြီးများ၏ လမ်းပြ သွန်သင်ဆုံးမမှုကို လိုက်နာကျင့်သုံးပြီး ကိုယ်ကျင့်တရားကောင်းမွန်စွာရပ်တည်နေသူတို့မှာ လူ့အသိုင်းအဝိုင်းအတွင်း စံနမူနာဖြစ်ပါတယ်။ ထိုသူနှင့်ပေါင်းသင်းသူတို့မှာလည်း စိတ်အေးချမ်းမှုရရှိပြီး ထိုသူဦးဆောင်သောအဖွဲ့အစည်းတွေမှာလည်း တိုးတက်အေးချမ်း တည်ငြိမ်မှုတို့ ဖြစ်ပေါ်စေပါတယ်။
-
အသက်အရွယ်ကြီးလာပေမယ့် စိတ်ဓာတ်နဲ့အသိဉာဏ်ပိုင်းဆိုင်ရာမှာ ကလေးသူငယ်တစ်ယောက်လိုဘဲ သူငယ်နာမစင်သေးတဲ့သူတွေမှာ သူကိုယ်တိုင်ကော သူ့ပတ်ဝန်းကျင်မှာပါ အရာရာက ကသောင်းကနင်းဖြစ်ပေါ်စေပါတယ်။ ဒီဆိုးကျိုးရဲ့ရလဒ်က မိမိကိုယ်ကိုကော မိမိနှင့်ပတ်သက်နေသူတို့ကိုပါ နစ်နာဆုံးရှုံးမှုတွေဖြစ်ပေါ်စေပါတယ်။ မိမိကိုယ်ကို ရင့်ကျက်သူတယောက်ဖြစ်လာဖို့ ကျိုးစားအားထုတ်မှုမရှိခဲ့ရင်တော့ ဘဝမှာအမှားတွေ ထပ်ခါ ထပ်ခါကျူးလွန်မိမယ်။ အလိမ္မာနည်းသူ၊ ရန်လိုသူ၊ သနားညှာတာမှုကင်းမဲ့သူ၊ လေးစားမှုမရှိသု၊ သူ့ကျေးဇူးကန်းသူတို့မှာ မိတ်ကောင်းဆွေကောင်းကင်းမဲ့ပြီး မည်သူမှ ပေါင်းဖက်လိုခြင်းမရှိ တစ်ယောက်ပြီး တစ်ယောက်ထိုသူ့အား ကျောခိုင်းသွားမည်သာဖြစ်ပါတယ်။
-
-
ဒီကနေ့အရာရာခေတ်မှီတိုးတက်နေတဲ့ခေတ်ကြီးမှာ အချို့လူငယ်တွေ ပြင်ပလက္ခဏာသာခေတ်မှီပြီး စိတ်ဓါတ်ရေးရာမှာကျောက်ခေတ်နောက်ပြန်ပြေးနေကြပါတယ်။ အချို့မှာ လူကြီးကိုပြန်အော်ဟောက်ခြင်း၊ အိမ်တွင်း အိမ်ပြင် လမ်းပေါ်မှာ ရန်တွေ့ခြင်း၊ ထေ့ငေါ့ စောင်းမြောင်းခြင်း၊ ဖနောင့်တိုက်သွားခြင်း၊ လူကြီးရှေ့ တခါးစောင့်ပိတ်ခြင်း စသည်များကို တွေ့မြင် ကြားသိရတာ အလွန်အံ့ဩမိပါတယ်။
-
သတိထားရမည့်အချက်မှာ လူကြီးဖြစ်စေ လူငယ်ဖြစ်စေ လူဆိုတာ မည်သူမှပြည့်စုံမှုမရှိ။ လူကြီး လူငယ်အားလုံးမှာဟာနေတဲ့ ကွက်လပ်ကိုယ်စီရှိကြပါတယ်။ အမှား လူတိုင်းမှာရှိကြတယ်။ ဒါကိုအပြစ်မြင်ရန်လိုနေမယ့်အစား နားလည်သဘောပေါက် ခွင့်လွှတ်သည်းခံပြီး လိုနေတဲ့ကွက်လပ်တွေကို ဉာဏ်အမျှော်အမြင်နဲ့ ဖြည့်ဆည်းပေးနိုင်ပါတယ်။ ချက်ခြင်းဖြစ်ပေါ်လာတဲ့စိတ်ခံစားမှု၊ ဒေါသတို့ကိုရှေ့ထားရင်တော့ မိမိ ကိုယ်ကိုယ်ကိုရော၊ မိမိကိုမွေးထုတ်ပေးတဲ့ မိဘရဲ့ ဂုဏ်သိက္ခါပါချမိလိမ့်မယ်။ လုံးဝပြင်ဆင်လို့မရတဲ့သူကိုမှသာ ဥပက္ခါပြုကောင်းပြုရပါလိမ့်မယ်။ လူမှာ အမည်းစက်ဆိုတာဖျက်ရခက်တယ်။ လူသာ သေသွားပေမဲ့ နာမည်အမြဲရှင်သန်နေသူတွေနဲ့လူသာရှင်သန်နေပေမဲ့ နာမည်ကတော့ သေသွားပြီဆိုတဲ့ လူနှစ်မျိုးထဲမှာ ပထမလူစားမျိုးဖြစ်ပါစေ။
-
မိမိယုံကြည်ချက်၊ ခံစားချက် တစ်ခုခုမှာ အမျှော်အမြင်၊ ဆင်ချင်တုံတရားမရှိခဲ့ရင် အဲဒီယုံကြည်မှု၊ ခံစားမှုတို့ဟာ အစွန်းရောက်ဖြစ်သွားတတ်တယ်။ ယုံကြည်မှု၊ ခံစားမှုတစ်စုံတစ်ရာကို ချင့်ချိန်တတ်ရင် သင့်တော်ကောင်းမွန်သောအခြေအနေတစ်ရပ်မှာရှိလိမ့်မယ်။ လူမှန် နေရာမှန်ဖြစ်ဖို့ မိမိကိုယ်ကိုဘယ်လောက်ထိရင့်ကျက်မှုရှိပြီလဲ စမ်းစစ်ကြည့်၊ ဘာသာတရား၏ လမ်းညွှန်ချက်များနှင့် တစ်ဖန်စမ်းစစ်ကြည့်၊ မိမိထက်ရင့်ကျက်သူနှင့် တစ်ဖုံစမ်းစစ်ကြည့်ရင် မိမိတို့မှာဖြည့်ဆည်းစရာကွက်လပ်တွေ တစ်ခုပြီးတစ်ခု တွေ့မြင်ရပါလိမ့်မယ်။
-
မိမိကိုယ်ကိုပြုပြင် တိုးတက်ရေးအတွက် မိမိပုံရိပ်ကိုပြတဲ့ ကြေးမုံဟာအကောင်းဆုံးဖြစ်ပါတယ်။
ရင့်ကျက်မှုဟူသော အောင်လက်မှတ်ရတဲ့တစ်နေ့မှာတော့ လူအများကိုလမ်းညွှန်ပါ။ ဗဟုသုတတွေသင်ပေးပါ။ အဆိုးအကောင်းခွဲခြားတတ်ဖို့ မိမိအတွေ့အကြုံတွေကိုမျှဝေပါ။ အောင်လက်မှတ်မရခင်တော့ လူအများကိုသင်တာထက် မိမိကိုယ်တိုင်အရင် အကျင့်သီလကောင်းနှင့် ဗဟုသုတရှာမှီးရန်ကျောင်းခေါင်းလောင်းသံဆီသို့လှမ်းလိုက်ကြစို့။

ရေးသူ - ရောင်ခြည်ဘလော့ဂါ

အောင်ဆန်းကွင်းဘေး တခြမ်းပဲ့ဗလီ သမိုင်းအကျဉ်း

 

အောင်ဆန်းကွင်းဘေး တခြမ်းပဲ့ဗလီ သမိုင်းအကျဉ်း

အေဒီ ၁၈၂၆ ခု၊ ရန္တပိုစာချုပ်ချုပ်ဆိုအပြီးတွင် ဘကြီးတော်မင်းတရားကြီး က မိမိ၏သစ္စာတော် ခံတပ်သားများကို ဆုလဒ်များပေး ခဲ့ရာ တပ်ဗိုလ်မှူးများဖြစ်သော ဦးရွှေသိုင်း နှင့် ဦးရွှေမှိုင်း ညီအစ်ကို နှစ်ဦးက ကျွန်တော်မျိုး တို့သည် အစ္စလာမ်ဘာသာ၀င် ရခိုင် လူမျိုးများ ဖြစ်သည့်အလျောက် ခေါင်းချရန် (ဝါ) ၀တ်တက်ရန် နေရာပေး တော်မူပါရန် သံတော်ဦးတင်ခဲ့သဖြင့် ဘကြီးတော်မင်းက လက်ရှိ အောင်ဆန်းကွင်းအနီး နေရာတွင် မြေနေရာ လှူဒါန်းခဲ့သည်။ ပေစာ မှတ်တမ်း ရှိခဲ့သည်။ ၁၈၅၂ ခုနှစ် ဒုတိယအင်္ဂလိပ် မြန် မာစစ်ပွဲအပြီးတွင် စစ်ဗိုလ် ဆာ ဖယ်ရာက လမ်းဖောက်ခဲ့ရာ လမ်းနှင့်မလွတ်၍ ဖဲ့ချခဲ့ရသဖြင့် တစ်ခြမ်းပဲ့ ဗလီဟုတွင်ခဲ့သည်။

အင်္ဂလိပ်-မြန်မာစစ်ပွဲတွင် ပန်းဝါနှင့် ဝက်ထီးကန် တိုက်ပွဲတို့တွင် မြန်မာတပ်များ၏ စစ်ရေးစွမ်အင်ကို အင်္ဂလိပ် တို့က အောက်ပါ အတိုင်း ဖွင့်ဟထားပါသည်။

ထိုမြန်မာတပ်အားလုံး၏ စစ်ဆင်ရေးဗျူဟာမှာ အဆင့်အဆင့် ချီတက်တပ်စွဲလေ့ရှိသော ခံတပ်စ်ဆင်ရေးသာလျှင် ဖြစ်၏ ။ ထိုခံတပ် စစ်ဆင်ရေးများ၍ မြန်မာတို့သည် စိတ်ကူးဉာဏ်ကောင်းသူများဖြစ်ပြီး စိတ်ရောကိုယ်ပါ အားတက်သရော ပြူမှုဆင်နွဲ လေ့ရှိသည်။ ခံကတုတ်များကနေ၍ မယိမ်းမယိုင်သောစိတ်ဓါတ် ရဲရင့်သော သူရ သတ္တိတို့ဖြင့် ရင်ဆိုင်လေ့ရှိကာ ထိုမြန်မာတို့အား စစ်မြေပြင်ရှိ စစ်သားများအဖြစ် နှင့်မူကား ကြောက်မက်ဖွယ် ကောင်းသူများအဖြစ် တွေ့ရ၏”

မဟာဗန္ဓုလနှင့်အတူ အစ္စလာမ်ဘာသာ၀င် နေမျိုးဂုဏ္ဏရတ် ခန်ဆပ်ဗိုလ် နှင့် ခေါင်းဦးရွှေမှိုင်း ဦးရွှေသိုင်း ခေါ် မွတ်စလင် စစ်ဗိုလ် စစ်သားများမှာ ဗိုလ်မှူးဝါဟစ်ကဲ့သို့ အင်္ဂလိပ်ဘက်မှ မွတ်စလင်စစ်သည်များ နှင့် ဘာသာတူမှုကိုမကြည့်ပဲ အမိနိုင်ငံ မျက်နှာကို ကြည့်ကာ တိုက်ပွဲဝင်ခဲ့ကြသည်။

ခေါင်းဦးရွှေမှိုင်းမှာ ရခိုင်စုရပ် စစ်ဗိုလ်ခေါင်းဆောင်ဖြစ်ပြီးမွတ်စလင် မြန်မာရဲမက် ၅၀၀ ပါ စစ်တပ် သိမ်ကြီးတပ်ကို တာ၀န်ယူခဲ့ သည်။ သိမ်ကြီးတပ်မှာ သိမ်ဖြူခံတပ်ကိုခေါ်ပါသည်။ ဘကြီးတော်မင်းလက်ထက် ဂေါ့တော့ ပုလ္လင် တိုက်ပွဲကား အရေးကြီးလှပေ သည်။ အင်္ဂလိပ်တို့ဘက်မှ စစ်သည် သောင်းကျော်ပါ၀င်ခဲ့သလို မြန်မာ့ အင်အားကလည်း မသေးလှသမို့ အင်္ဂလိပ်တပ်များမှ အကျ အဆုံးများစွာနှင့် နောက်ဆုတ်ခဲ့ရသည်။ ဤ တိုက် ပွဲတွင်လည်း ခန်ဆပ်ဗိုလ်ဦးစီးသော မြင်းတပ်သား တစ်ရာကျော်ပါ၀င်ပြီး တိုက်ပွဲ၀င်ခဲ့ကြပေသည်။ (ကုန်းဘောင်ခေတ် ရာဇ၀င်တော်ကြီး ဒုတိယတွဲ စာမျက်နှာ ၃၇၆-၃၇၇)

ဤသို့ ဘကြီးတော်မင်းတရားကြီးက တိုင်းပြည်နှင့်လူမျိုးအပေါ် သစ္စာရှိစွာနှင့် တိုက်ပွဲ၀င်ခဲ့ကြသော တပ်မတော် သားများကို ဂုဏ်ပြုသည့်အခမ်းအနားတွင် ကုလားပျို၊ သေနတ်အစု သား ၁၃၀၀ ကျော်တို့ကို ဘောက်တိုရွှေ ပိန်း၊ မျဉ်းတိုသက္ကလပ် စိမ်း၊ မျဉ်းရှည်းသက္ကလပ် နီ၊ သက္ကလပ် စိမ်းအဖြူ ဆင့်တို့ကိုချီးမြင့်ခဲ့သည်” ဟူ၏။ ( ကုန်းဘောင်ခေတ် ရာဇ၀င်တော်ကြီး ၊ဒုတိယတွဲ ၊စာ – ၄၇၇)

အင်္ဂလိပ်နယ်ချဲ့သမားများနှင့် တိုက်ကြသည့်စစ်ပွဲမှာ အသက်စွန့်ပြီး တိုက်ခိုက်ကြသူ တပ်မတော်သားများတွင် တိုင်းရင်းသား အစ္စ လာမ်ဘာသာ၀င်များ ပါရှိခဲ့ခြင်းသည် သမိုင်း၏ ထွန်းပြောင်မှု တစ်ရပ်ပင် မဟုတ်ပါလား…

ဝါးခယ်မမောင်မင်းနိုင် ၏ မြန်မာ့လွတ်လပ်ရေး ကြိုးပမ်းမှု သမိုင်း၀င်မွတ်စလင်များစာအုပ် မှ ကောက်နှုတ် ဖေါ်ပြပါသည်။