ကျမ်းမြတ်ကုရ်အာန်ကဲ့သို့ ကောင်းကင် (လောကုတ္တရာ) ကျ ကျမ်းများအကြောင်း စမက်တစ်ရစ်လေ့ဂျင့် တွေထဲမှာ ရှိပါတယ်။ စမက်တစ်ရစ်လေ့ဂျင့်ဆိုတာက မဟာလူသား အီဗရာဟင်ကိုယ်တော်ကြီးကို လက်ခံတဲ့ ဂျူတာအစ်ဇင်မှာရော၊ ခရစ်တော်ရဲ့ ခရစ်ယာန်သာသနာမှာရော ဒီအယူအဆက ရှိပြီးသားပါ။ အဲဒါက ဘာလဲဆိုရင် မဟာလူသား ပုဂ္ဂိုလ်ထူးတွေကို ကိုးကွယ်ခြင်းခံထိုက်တဲ့ အနန္တညဏ်တော်ရှင်က ရွေးချယ်ပြီးတော့ သူတို့ကို ညဏ်စဉ်ထူးတွေ ချီးမြှင့်တယ်။ လူသား အတွေးအခေါ်တွေ မဟုတ်ဘူး။ အသင်္ခတအရှင်ဘက်က ညဏ်စဉ်ထူး ချီးမြှင့်တာဖြစ်တယ်။ အဲဒီညဏ်စဉ်ထူးတွေက ဒီပုဂ္ဂိုလ်တွေရဲ့ နှလုံးသားမှာ ကိန်းအောင်းတယ်။ သူတို့ရဲ့ နှုတ်လျှာကနေ ထွက်လာတယ်။ အဲဒါတွေက ကျမ်းတွေအဖြစ်နဲ့ ထွက်ပေါ်လာခဲ့တယ်။ အဲဒီတော့ မဟာလူသားတို့ရဲ့ နှလုံးသားက လာတယ်။ ထွက်ပေါ်လာတာက ရွှေနှုတ်တော်တွေက ထွက်ပေါ်လာတယ်။ သို့သော်
source ကတော့ လူသားရဲ့ source က မဟုတ်ဘူး။ ကောင်းကင်ကျကျမ်းလို့ခရစ်ယာန်တွေက ဘာသာပြန်တယ်။ ကျွန်တော်က Revelations လို့ဆိုချင်တယ်။ Revelations လုပ်တယ်ဆိုတာက ထုတ်ဖော်ပြီးတော့ အမှန်တရားကို ပြလိုက်တာ Conceal ဆိုတာ ဖုံးကွယ်ထားတာ။ Reveal ဆိုတာကဖော်လိုက်တာ။ သစ္စာအမှန်ကို ထုတ်ဖော်ပြသဖို့ တမန်တော်မြတ်ကို ပြီးပြည့်စုံစွာနောက်ဆုံးကြားခံအဖြစ် သစ္စာ ဓမ္မရဲ့ အရှင် 'မာလိကွလ်ဟ(ခ်)' က သုံးခဲ့တာ ဖြစ်တယ်။ အာရေဗီးယားတိုက်က ခရစ်နှစ် ၆ ရာစုမှာ ကျင်လည်နေတဲ့လူသားတစ်ဦးကို ကြားခံရတော့မယ်ဆိုရင် သူ့တရားဦးကို နာခံရမယ့်လူသား တွေ (တစ်နည်း) အာရပ်လူမျိုးတွေရဲ့ ဘာသာစာပေ၊ ယဉ်ကျေးမှုဓလေ့ထုံးစံတွေနဲ့ တန်ဆာဆင်သီကုံးပြီး ပို့ချခဲ့ရတယ်။ အဲဒီလူတွေ နားလည်နိုင်မယ့်အမှန်တရားကို ဘယ်လို channel လုပ်လိုက်သလဲဆိုတော့ ဒီလူတွေ နားလည်နိုင်မယ့် ဘာသာစကားကို အရင်ရွေးရတယ်။ ပြီးတဲ့အခါမှာ အဲဒီလူတွေနားလည်နိုင်မယ့် တရားကို တန်ဆာဆင်ထားတဲ့ ဥပမေယျတွေကလည်း ဒီလူတွေကိုပြောလိုက်တာနဲ့ ဘာကိုဆိုလိုသလဲဆိုတာ သိနိုင်မယ့် သူတို့ရဲ့လက်တစ်ကမ်းမှာရှိတဲ့ ဥပမာ၊ ဥပမေယျတွေနဲ့ တန်ဆာဆင်ပြီးတော့ Message
တရားကို ပေးရတယ်။ ဒါကြောင့်မို့ အာရဗီစာပေနဲ့ ကျွန်တော်တို့ တမန်တော်မြတ်ကြီးထံ ကျခဲ့တဲ့ လောကုတ္တရာစခန်းက ကျမ်းဟာ လူသားလက်ထဲကို ရောက်တဲ့အခါမှာ မဟာတမန်တော်မြတ်ကြီးက convey လုပ်ရတယ်။ တရားဟာ လောကုတ္တရာထဲက လောကီနယ်ပယ်ကိုရောက်လာရတာ ဖြစ်တယ်။ ကြားခံလိုက်ရတာက အာရပ်အမျိုးသားဖြစ်တော့ သစ္စာဓမ္မကိုအာရပ်ရဲ့ စာပေနဲ့ လူသားလက်ထဲမှာ ပေထက်အက္ခရာတင်တယ်။ ဒါတွေ
အားလုံးဟာ အနန္တညဏ်တော်ရှင်ရဲ့ မဟာစီမံကိန်းပါ။ ဒီလိုအာရဗီစာပေနဲ့ သစ္စာအမှန်ကို ဖော်ကျူးထားတဲ့ ကျမ်းကို ကုရ်အာန်ကျမ်းလို့ ခေါ်ပါတယ်။
စာအုပ် - အစ္စလာမ်ဘာသာကို သိရှိလေ့လာလိုသူတိုင်း အတွက်
ရေးသားပြုစုသူ - အလ်ဟဂျ်ဦးအေးလွင်
အစ္စလာမ့်ဓမ္မဗိမာန် ဦးဆောင်ဆော်သြရေးမှူး
